في أوقات الأزمات الاقتصادية، ومع كل ارتفاع جديد في الأسعار، بيزيد القلق عند أي شخص حابب يحافظ على أمواله أو يخطط لاستثمار آمن. وواحدة من أكبر العقبات اللي بتواجه المدّخرين والمستثمرين في مصر (وفي العالم كله) هي التضخم.
التضخم مش مجرد مصطلح اقتصادي، ده واقع يومي بنعيشه، وكلنا بندفع تمنه.
ومعاه، بييجي السؤال:
إيه نوع الاستثمار اللي يقدر فعلاً يواجه التضخم؟
وإجابته -في الغالب- بتكون: العقار.
يعني إيه تضخم؟
التضخم هو انخفاض القيمة الشرائية للعملة. يعني نفس المبلغ اللي كان بيكفي زمان، النهارده ما بيكفيش، وبكرة هيكفي أقل.
الأسعار بتزيد بشكل مستمر، من أول السلع الغذائية، لحد التعليم، النقل، والإيجارات.
فبالتالي، الاحتفاظ بالأموال في صورة كاش أو حتى في بعض الشهادات البنكية، بيخلّي قيمتها الحقيقية تتناقص مع الوقت، رغم إن الرقم اللي معاك سابت.
ليه العقار بيتفوق على التضخم؟
الاستثمار في العقارات بيعتبر من أنجح الطرق للتحوّط ضد التضخم، وده للأسباب دي:
العقار بيزيد مع التضخم… مش بيتأثر بيه
لما الأسعار كلها بتزيد، العقارات كمان سعرها بيزيد.
بل في حالات كتير، العقارات بتسبق التضخم وتتفوق عليه، وبالتالي بتحمي فلوسك مش بس من التآكل، لكن كمان بتزوّدها.
العقار بيولّد دخل متجدد Real Estate vs Inflation
لو اشتريت وحدة بغرض التأجير، الإيجار الشهري أو السنوي بيتجدد بناءً على أسعار السوق، اللي بتتغير مع التضخم، فبالتالي عائدك بيرتفع تلقائيًا.
أصل ملموس ما بيتأكلش
العقار مش سهم ممكن ينزل فجأة، ولا رقم في حساب بيتأثر بقرارات حكومية. هو أصل حقيقي، موجود، وله قيمة فعلية في السوق.
الطلب على العقار دايمًا موجود Real Estate vs Inflation
الناس دايمًا محتاجة تسكن، تشتغل، تفتح مكاتب أو محلات.
وده بيخلي العقار استثمار دائم الطلب، مهما اتغيرت ظروف السوق أو الأسعار.
طيب، إزاي بيتأثر الكاش بالتضخم مقارنة بالعقار؟
الاحتفاظ بمبلغ كبير في البيت أو في حساب جاري بدون استثمار، مع الوقت بيخسره جزء كبير من قيمته.
أما العقار، فحتى لو اشتريته واستنيت عليه بدون تأجير أو إعادة بيع، قيمته السوقية بترتفع بشكل طبيعي مع حركة السوق والتضخم.
مقارنة مباشرة بين العقارات والتضخم
أمثلة واقعية من السوق المصري:
وحدة سكنية في العاصمة الإدارية تم شراؤها في 2020 بسعر 1.2 مليون جنيه، ارتفعت قيمتها في 2025 إلى 2.6 مليون جنيه.
إيجار وحدة تجارية في القاهرة الجديدة زاد بنسبة 30% خلال سنتين، تماشيًا مع ارتفاع تكلفة المعيشة.
في المقابل، 500 ألف جنيه كانت كافية لشراء شقة صغيرة في 2017، أما في 2025 فبالكاد تكفي لمقدم.
ليه العقار أفضل حتى من شهادات الاستثمار؟
بعض الناس بتتجه لشهادات بنكية بعائد ثابت، لكنها غالبًا لا تتجاوز نسب التضخم، خاصة مع التضخم المرتفع.
بالتالي، رغم إن الشهادة بتحقق لك “دخل”، إلا إنها لا تحمي قيمة فلوسك… بالعكس، القوة الشرائية بتنقص.
أما العقار، فهو بيحقق “دخل + زيادة في القيمة الأصلية” = مكسب مضاعف.
الخلاصة:
التضخم بيأثر على كل شيء… إلا العقارات.
العقار مش بس بيحافظ على قيمة أموالك، ده كمان بيوفر دخل مستمر، وقيمة متزايدة، واستثمار ملموس وآمن على المدى الطويل.
لو فعلاً بتفكر في استثمار يحميك من غلاء الأسعار، ويحافظ على أموالك من التآكل…
فمافيش أذكى من العقار.
للمزيد من المعلومات عن المشروعات العاصمه الاداريه الجديدة و القاهرة الجديدة
حسب تقارير شركة JLL El Attal Holding، السوق العقاري المصري وخصوصًا مناطق زي القاهرة الجديدة بيشهد نمو مستمر نتيجة الطلب المتزايد على السكن الفاخر والاستثمار طويل المدى. اطلع على التقرير